الأربعاء، 26 أبريل 2017

لو ماتيجي


لو ماتيجي ستظل حلما غريبا يداعب منامي
وتظل عمرا اعيشه وسط  رحيق احلامي
وان شئت يوما هدية من ايامي
لك عمرا بكامله لك عشقي وغرامي
لو كنت قدرا كيف اتحدي الكلام
لو كنت دربا انت المنار والمقام
لو كنت وهما من قال اني كرهت المنام
انا ضد نفسي لو نسيتك من الاسامي
ارتجالة ع السريع

لما حبك لسه فاضل احلا معني للحياة

ااااااه
لما حبك لسه فاضل احلا معني للحياة
لما يعشق قلب خامل لما تجري صورتك وراه
لما تبقي ف عينه دنيا
لما ينده يلاقيكي جاية
لما تبقي سنين ف ثانية
علشان ايديكي لمست سماه
لما عشقك يبقي سره
وانتي عايشة معاه ف ضله
ومهما داق يحلاله مره
ومهما راح عشقك فاضل له
ومهما كان الحزن اسره
حبك انتي هو حله
ومهما هجرت الشمس فجره
كفاية نورك ضياه ووصله
 لما تبقي ف عيونه ام
وكل حاجة علشان سعادته
لما تبقي انتي المهم
ويبقي اسمك مربوط ف سيرته
لما ليكي وبيكي يحارب
الكون دا كله عشان عنيكي
لما باب عشقه يوارب
وماينفتحش غير بس ليكي
لما يحلم بيكي يلقي
حبك انتي احلا جنة
واللي شاف فيه الف رقة
وان اللي حس ١٠٠ الف معني
لما تستاهلي يضحي
 علشان جمالك بكل غالي
وهمس اسمك ليه يصحي
ولضي عينك يسهر ليالي
لما تبقي له اميرة
واجمل جنينة غرام وورد
لما تبقي ف نظره كبيرة
ومالية عينه مايعوزش حد
لما ييجي وليكي يفهم
ان حبك يبقي له شمس
ساعتها بس يقدر يسلم
ويقول بحبك بقيت بحس
محمود فاروق

قلبي اللي كسرتيه


قلبي اللي كسرتيه امبارح
وجيتي عليا من غير رحمة
ازاي ييجي اليوم ويسامح
ماخلاص ضاع الحب بكلمة

وازاي ييجي اليوم واشوفك
قدام مني بتضحكي ليا
راجعالي تاني اداوي ف خوفك
ولا تخوني وتظلمي فيا
وازاي اسامحك وانتي عذابي
انتي الماضي واصعب ذكري
مهما افكر افتح بابي
بسببك اخاف من كسرتي بكرة
وقلبي هايفضل ذنب ف عمرك
مهما تخبي هايبان سرك
اللي يشوفك عنده ملاك
بكره اكيد هاتبان له حقيقتك
محمود فاروق

ابواب


ابواب ف الدنيا بتتقفل
والجهل مغطى اي عيون
والراجل لو يوم يستحمل
ح يلاقي الدنيا بحالها تهون
والراجي الرحمة بيستهبل
والباني اماله خلاص مجنون
عايشينها ف مليون حالة
والحالة كمان مالهاش مضمون
ح تعيش ح تموت مش دي قضية
السر ف قلبك لسه حنون
ف الغابة القاسية المتشابكة
غمض ف الضلمة تشوف اكتر
جرب لو بس ف يوم تقدر
 مالهاش مالوشوب
الاجابة

سجن كبير


سجن كبير
وانا السجان
والمسجون والحيران
ازاي تبقي جناح مفرودة
وريشها الهم ملاه احزان
وازاي تبقي سنين معدودة
وعمر الفرحة ماليها مكان
وازاي الاقي الظالم عالي
وازاي يقبل حد اتهان
وازاي بلدي مايبقاش غالي
ازاي الاقي العاشق خان
اجمع ليا الذكري ف ورقة
وابكي يا ام شهيد الاحلام
بكرةالعيلة ح تبقي ف فرقة
وف ثانية الطفل يشيخ واوام
لم اشعارك مش مقصودة
سجن كبير ومالهش حيطان
جاية وراها ايام سودة
وادي اولها كلام فكسان
محمود فاروق