لما اتنهد ...

لما اتنهد ...
ح تفهمي ...
ايه اللي عايزة يكون معاكي ...
و ايه اللي نفسي ما احسهوش .
و لما ح اسكت ...
ح تندمي ...
علي كل لحظة ف يوم لقاكي ...
كانت ح تبفي ... و ماعشتهوش...
عايزياني احبك قد ايه ...
قد حلم او قد عمر
لو عاشقة قولي ساطتة ليه ...
عايزة عسل مش اخره مر؟
الحب كلمة محاوطها خوف
حتي الكلام مش قدها
لاطفتها مرة اي ظروف
قدرت ف لحظة تهدها ...
ح اقول باحب ... اكون مكسوف
لما تقوليلي زيها
و عشاني قلب يدق يشوف
ف عنيكي دنيا و ضيها ...
أه ... لما حبك يبقي هو...
احلي معني ف الحياة ...
و لما اجي ف حضن قلبك...
ارمي خوف او امحي أه
و لما اجدد عمري بيكي ... لما اكون منك و بيكي
و لو ح اخاف ... ح اخاف عليكي ...
من شوقنا يوصل لمنتهاه