صمت ...

صمت ...
هوة دا اللي بياخده قلبك
لو يعدي ف عمره وقت..
و لا ده تكفير لذنبك .
علي كسر قلبي عشان عشقت ...
و لا دي استراحة محارب...
لساله جولة ويا الدنيا ...
و لا احساسي بغرايب
في بكرة غيرها غرايب تانية .

صمت ...
زي الجبل لما يخاف علي سره من غدر الرياح ...
يلملم ترابها و يستخبي ... لقد ايه ؟... لمليون صباح ...
و لا حلمك و انتي شابة ...
عاشت ف كدبة ...
اسمها عشق و محبة ...
معادلة تدي لها حبة حبة ...
عشق ووفا – و نهايتها غدر .
و لا ذكري لساها عايشة...
من لحظة طايشة ...
بتقوم سنين تحتيها فارشة ...
كام لحظة مليانة بطعم مر
اتنهدي ...
او اترددي ...
بين سجن صمتك و حريتك ...
اتكلمي ...
بين ذرة لسة جوة كرامتك ... بتحتمي ...
بكام حرف منك يطلع بقوة ...
يصرخ ...
يزلزل ...
يقول للي فات ...
اه
انا عشت .