رسائل موبايلات محمودية

نظرا لان الواحد بقي عنده شوية فضا فلقد قررت تجميع رسائلي التي ارسلتها للعديد من اصدقائي و هي من تأليفي .
اذ لا استسيغ الاستعانة بغيري و الا كنت في مشكلة كبيرة .
لذلك ابحث عن من يشاركني هذه الهواية ... التأليف من اجل الموبايل .
ليس تأليف الرسائل من اجل نشرها في كتاب يباع بجنيه ونصف علي الارصفة ... ولكن محاولة التمرد علي القوالب الرديئة التي انتشرت بين الشباب دون ان يغيرها احدهم او يأت بجديد.
حد فاهم اي حاجة؟


· الحب هو الاحتواء و التكامل ...ان تحب مالا يمكن حبه...و ان تغفر لمن تحب ما لا يستطاع غفرانه .

· خجل البدر من عينيك ... و انساب تبرا من حواليك
بربك هل ملكت سحرا... فصارت الدنيا بين يديك
رفقا بعاشق قد ادمنك ... لوفر منك ... فر اليك


· الاجمل في قلبي قلبك
حفظك ربي و ربك
وزرع في قلوب الناس و الملائكة حبك .

لما الدنيا بتبقي جحيم... ومافيش فيها قلب رحيم
بييجي بطلة الف نسيم ... ودا علشان (رمضان كريم)

الله علي طعم الصحبة ... لما بتتحدي الغربة
و مرار العيشة الصعبة ... الله علي حضن صديق
تنده تلاقيه بينده لك.... و يكون علي طول محتاج لك
واغلي عليك من اهلك ... صاحبك و كأنه شقيق

خليت قلبي يكون مشتاق ...
لبسمة ف عينك و يبقي قريب
ودايما اكون وياك ف وفاق ...
باتمني رضاك يا اغلي حبيب


بيعيشني احساسي بأنك ...
غنوة لقلبي بأجمل صوت
و اللي يدوق الجنة ف حضنك ...
مش معقولة يخاف من موت


يا وردة فاردة ورقها كله كأنها ...
بسمة بتحضن بكل رقة برد الشتا
خلت نور الشمس يحسد حسنها ...
بيرمي عليها ذرات تلج متفتتة

اجمل معاني بسرعة تموت...
لو مارتواش ورقها بحب
و الدمع يغلب اي سكوت ...
لما يكون من جرح القلب
و انا ايه يخليني اتحمل ...
مادام مصيري دايما نار...
مش قادرة اشواقي تحمل...
دي عيشة دي ولا انتحار

بيجنني شكل قفاكي ...
عشان مش عارف اوصف فيه
كأنك شايلة ف سور وراكي
وكل الناس كتبوا عليه
وحطوا اعلان بص باباكي
حب يزيد ف اجاره جنيه


و كل عيد و انتوا طيبين ...
مع حبي
محمود فاروق
http://www.policy1.jeern.com/
http://www.policy122.blogspot.com/