زعق لم ف كل الناس
و علي كام دمعة طاطي الراس
و احكي تاريخ كرامة تنداس
و هات لك كاميرا و خد لك صورة
بص لابنك و انت بتبكي
ايه بيحصل لك يابا ما تحكي
حالك وحده يجاوب يشكي
عندك وقت تسمع فزورة
شعب بقاله تاريخ و حضارة
ثابتة ف وسط ايام دوارة
يشوفها الاعمي بألف اشارة
ف ثانية ماتبقاش كده منظورة
حد يقوللي لا يفلح ساحر
و اللي يقوللي كفاية بيها شاعر
و اللي غايظني كلام م الاخر
اللي فاضللي هزيمة ف كورة
شاط اللاعب جاب او قلشت
اي مكاسب عني اتقفشت
حافرح حازعل خلاص ما اتفقست
مافيش سنيورة مافيش عصفورة
لو يعني كسبنا كاس العالم
ايه يدخل جيبنا بس يا عالم
يعني عاجبنا رقص سلالم
يومين ف الفرحة سنين مكدورة
كل مشاكل مصر اتحلت
مية و نضفت زبالة و قلت
جواز بالكوم و لا فردة اتبلت
لا فساد و الناس كده مسرورة
يابن بلدنا الناس و اهي عارفة
اسم اللي اتصدر ف الهايفة
ح يخدع مين و الدنيا دي شايفة
بس ماسورة الخوف مكسورة
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك