جوة حضنك بالقي نفسي
والحقيقة تمنها غالي
امتي بيا مرة تحسي
باللي زايد عن احتمالي
ليه باضحي روحي عشانك
وانتي شاهدة وليا شايفة
وباعاني سه ف نار حرمانك
ولسه قلبي ومشاعري خايفة
وف كل مرة بتندهيلي
عايزاني جنبك اعمل ايه
من كتر نارك تاه دليلي
لو ام مالك قاسية ليه
والخير دا كله شايلاه لمين
لطير غريب مافيهوش حنين
يابلدي عارفة انا ابقي مين
عارفة ولادك يساووا كام
بعتينا واحنا ف الف سوق
وضمة ايديكي مابقتش ضل
امتي تفوقي وراسك تفوق
امتي نلاقي لبلادنا حل
محمود فاروق
السبت ٢٤ اكتوبر ٢٠١٥
الساعة ١١:١٠ صباحا
بحر الامانى الحب يفتح فى البحر الف طريق--- وبشوقة يخلى الورد يبوح برحيق---- لمسة ايدة تسحركل قلب رقيق----- يحرك امانى وشراعك ضى عنية---- دليلى ودليلك نجمة معدية ---قلبى وقلبك فى بحر امانى معدية ----- نسيم قلبك سحابة صيف معدية----- ونظرة عنيك فى عنية بالف هدية---- يابحر الامانى حنن حبيبى علية ---يا قمر الليالى نور قلبة علية ----يا نجوم السما خلى قلبى لة معدية ---يا عروس البحر اغزلى لحبيبى هدية ----زمان كان لى حبيب ساكن بعيد--- كانة نجمة معدية--- تقرب البعيد وتشوف لمس هدية ---- مرسوم فى عنية بكل حنية ----وساعات يلمس ايدية واحس بضى عنية----
ردحذف