انا باضحك علي نفسي وعارف
ان الايام مالهاش مالكة
وان كان قلبك لساه خايف
ح يدور ع السكة الساالكة
ومعني الضحكة كان اكذوبة
ومافيش ولا حضن ح ييجي يساع
والصورة المايلة المقلوبة
من بكرة ح تنوي انها تتباع
وتحط مكانها ١٠٠ صورة
متسود فوقها شريط و حزين
مش نفسك حل الفزورة
مايكونش جبان ولا بوشين
مش نفسك تهرب وتهاجر
وتقول فسحة وح نقضي يومين
ونسيت لو فين ح تسافر
الذكري وراك وشمال ويمين
ومافضلش غير ترفع راسك
وتقول ندمان وانا مطاطي العين
تدعيله ييقوي ف احساسك
مش ناقصاك موت ولا قلب يلين
محمود فاروق
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك