لم اللي فاضل من كرامتك
وامسح دموعك ببسمتين
واوهم خيالي ان ابتسامتك
ح تداوي جرح ف يادوب يومين
وغير مكانك ... اسمك وصفتك
و الذكريات و عشق السنين
اسلخ ف جلدك و انهي ف حكايتك
وفكر حقيقتك دلوقتي فين
موجة مشاعرك ع الشط ماتت
بعد اما عليت ف عينيك لفوق
واحلام جميلة ف ثواني دابت
بشمس القساوة ف لحظة شروق
وعشت وهمك ودلوقتي اسمك
مابقاش بيعني اي شيئ
لا بيعني عاشق و لا خط رسمك
ح يرسم صورتها اجمل طريق
توبة ونويتها غلطة و نسيتها
عشق وصعوبته مالوش علاج
مين اللي قالك حبك راحتها
حضنك وجع وحاضنه احتياج
ولا جاي بكرة و لا حمل تكره
ولا اي فكرة ف قلوب تخون
نكس راياتك و احفر ف حفرة
وادفن مشاعرك ...مهما تكون
محمود فاروق
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك