جمع اهاتك وذكرياتك
وربع فاضي ف سواد حياتك
واكتم مشاعرك جوة صدرك
لحد ما يبان لك حبيب
مش شرط واحدة...ولا اي حاجة
او مستعدة ابقي حاجة
ارمي اللي باقي ف التلاجة
وانساه دا قسمة ودا النصيب
اما اللي نفسك تحققه
وكاتبه وراسمه وبتزوقه
احسن تلمه..وتحرقه
ح تعيشها يعني.عيشها غريب
واما اللي فاضل...
اه م اللي فاضل
قصاقيص ورق بتروح بالساهل
وانت ف مكانك بروح تكاسل
بتحلم بأيه...وفرجه قريب
والصورة اهي نسبة وتماثل
والضلة غامقة واللون مجامل
ماهي دي الحياة لعبة وبازل
تجمع تلاقي المنظر رهيب
محمود فاروق
٣ نوفمبر ٢٠١٥
١٠:٥٥ مساءا
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك