حاجات كتيرة ومتعبة
جوة قلبي وعشت بيها
مابقتش صعبة ومرعبة
مابقتش حتي دماغي فيها
حاجات باخدها بالشبه
سراب وعارفه مش حقيقة
لحد قلبي ما انتبه
لحد قلبي ماعرف طريقه
وعشت باحلم حلمي الجميل
وقلبي دايب ف حضن واقع
وعرفت مهماك تطول يا ليل
الشمس اقوي والصبح طالع
حاجات يا دنيا ماحبتهاش
عشق وخيانة وغدر ببلاش
ح تقول لي ايه...ماعشتهاش
انا عمري ف اجمل دقيقة
وحاجات وتايهة وانتهت
وانا عقلي تاه وراها وفلت
من بين ايديا. واتسممت
وردة واخرها خيانة حبيبة
ومالكش غيري..ومابقاش لي اخر
ولا حد عارف مين جاي اخر
احلم .ح تحلم يوم تتاخر
وتساع ف قلبك...بسمة وطيبة
محمود فاروق
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك