قول صاصا....
قولها كمان
واهري ف مهري
ف مورستان
انسي بقسوة انك انسان
وخلي الكلمة ف عنف رصاصة
قول صاصا
قلت يا نجم
اضحك وارمي وراك الهم
واياك تنسي
ان مابين الكلمة الحلوة
وبين الدبشة مجرد همسة
واذا كان كاسك ناضح عسله
حاسب فجأة يبان السم
وانك مهمما تخادع تفسك
ومهما يعدي عليك العمر
وانت بتخدع كل الناس
جاي ف يوم وتتوه ف دراسة
قول صاصا
لا يا راجل
قوللي فيه كام مليون يستاهل
ترمي مبادئك
ولا ح تخلد ولا كان فاضل
غيرها السيرة...وانت وبختك
خاف م الكاميرا
كشف حقيقتك
رفه ازازة
رفة ماسة
قوول صاصا
مالك خايف
مش دا الفن اعمل هايف
تقيس ف الزاوية
وزوي شفايف
و. ا وش الشيخ...طالعة الرقاصة
قول صاصا
محمود فاروق
٢٨سبتمبر٢٠١٥
الفشن...بني سويف
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك