كلمة تفرق مابين لقا وبين وداع
بين دموع تنزل ف سرك...
او تخونك ع المشاع
بين عنادها وهي طفلة...
لما تلقي الغيرة سهلة
لما تنهي ف ثانية رحلة ...
وتبان ف وشك من غير قناع
ح تنحني..ح تنكسر...
ح تقوي تكسب شئ جديد
ومين عرف حكم القدر...
ف قلوب بتحزن وقلوب ف عيد
اصبر ح توصل...ح تبتسم...
وح تمحي دمعة بتترسم
والحزن مهما ف قلبك قسم
ح يدوب قصاد ساعة الوداع
ح تفترق
والدمعة تنزل من سكات
وتحس انه ف غالي مات
وف لحظة او يمكن اقل
ح تكون حقيقي انسان...و...ضاع
محمود فاروق
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك