بمناسية الهجوم علي الشيخ محمد جبريل ... وبعد نسيان الناس للموضوع و بعد انتهاء رمضان و العيد ...اراني يجب ان اتحدث في الموضوع ... ولأن الشيخ محمد جبريل هو شيخ احب الصلاة وراءه و احب دعاءه ...يبقي النهاردة ح اتكلم عن الدعاء ...
انا كنت موجود هناك ... وماكانش ف الدعاء اشارة صريحة لاي شخص الا لو انتو مصممين علي مبدأ اللي علي راسه بطحة ...
لكن كل دا مش مشكلة عندي ...
يمكن لاني استمتعت بالصلاة ورا الشيخ اسلام فكري ولي عهد الدعاء في مسجد عمرو بن العاص والشيخ صلاح الجمل ...
لكن الامانة تقتضي مني ارد علي شوية تقط كانت سخيفة لدرجة كبيرة
1- ان الشيخ محمد جبريل اخوان او غيره او اصفاء النزعة السياسية فالشيخ وحده له حق الرد و عموما السياسة ف مصر متقلبة و مين عارف بكرة فيه ايه .
2- ان الشيخ سادي وبيعذب الناس بتطويل مدة الدعاء لدرجة تصل الي ساعة و ان الناس وراه عندها ماسوشية عشان تتحمل ده ... لا يا شيخ ؟ والناس اللي بتحب مطرب او بتتفرج علي ماتش كورة و تفضل واقفة علي رجليها بالساعة و النص و الساعتين...للاسف احنا بنتكلم عن لحظات روحانية ماينفعش لحد ما بيستحملش خمس دقايق للصلاة انه يستحمل اكتر ... انها لثقيلة واي ثقل ...
3- ان الشيخ بيمثل و ان الناس وراه بتمثل ... طيب... ح ادخل دايرتكو وامري لله ... ف علم النفس بيعتبر الصراخ بشكل متوازن تفريع للضغوط النفسية و تقريبا عادل امام ف فيلم النوم ف العسل استغل المعلومة دي كحل لمشكلة الفيلم ... وبالتالي فسبب اساسي من راحة الناس بعد الصلاة ورا الشيخ محمد جبريل هو تفريغهم لكل الشحنات السلبية بذكرهم لله بكل ما يحملون من مناجاة و احتياج لرجمته لدرجة تكاد تصل لراحتهم بالدعاء اكثر من راحتهم بالاستجابة .
4- ومن علم النفس ندخل علي التنمية البشرية و فكرة التركيز و السمو عن كل شئ ... ولا اعتقد ان من يريد تركيزا وقدرة علي التحمل وتنقية لقلبه من كل سوء سيجد افضل من الصلاة خلف شيخا خسن الصوت يحسن اختيار الفاظ الدعاء.
5- الشيخ يدعو في مسجد عمرو بن العاص منذ اكثر من عشرين عام و كل عام تثار شائعة منعه لشعور الناس بان من يعبر عنهم جدير بمحاربته... هل هذا من صحيح السياسة؟ دعوهم يشعرون براحة و احساس ان الحكومة تقف معهم و ليس ضدهم ... وليبحثوا عمن يحرض الناس مباشرة و يذكر الاسماء صراحة .
6- اخيرا ظني بأنه احد المتزلفين للسلطة وللحاكم اراد ان يستغل الشيخ للوصول لمبتغاة او انه حسدا وحقدا علي الشيخ ومدي حب الناس له .
لن يذكره التاريخ بانه من منع محمد جبريل من الدعاء ... بل سيذكره الناس بالدعاء عليه العام القادم .
تقبل الله مني ومنكم خالص الدعاء
ورزقي ورزقكم علي الله
محمود فاروق
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك