لما. تكون كلمة بحبك
للاجابة هي السؤال
واما تبقي لحظة جنبك
شئ ضروري لكن محال
لما عدي العمر مني
والفراق مش غصب عني
لما افكر لحظة اني
مش ح الاقي بعدك خيال
ولما انسي اني عاشق
وانجرح من طير مفارق
يبق حلي حبل المشانق
قلبي لساه فيه جدال
لما ثانية لو تعدي
وانتي ايدك حاضنة خدي
كنت ح اقدر ع التحدي
وكان زمانا ف احلي حال
مش ح اعاتبك والا اكدب
كان فراقنا ماكانش اصعب
بس عمري لما يهرب
ف الوحدة غطي حزني الجبال
ولا زي منك يوم ح اقابل
ولا حتي ضفرك ف المقا بل
قسمة ونصيب وماعدش فاضل
غير ذكريات لسنين طوال
وانا لسه قلبي بيقول كلام
نفسه يشوفك ويموت قوام
ماقدرش اعيش بعدك...حرام
دا انتي الحياة ومعني الجمال
محمود فاروق
السبت ٢٤ اكتوبر ٢٠١٥
الساعة ١١:٤٠
صباحا
ليست هناك تعليقات:
إرسال تعليق
يشرفني قراءة تعليقك ايا كان... فردودك اثبات وجودك